ما تيجي أفرجك على حاجة مبهرة تخليك تحبس أنفاسك من جمالها وعظمتها اللي مالهاش مثيل؟!!.. شوف الصور دي
دي جزء من مشروع لمصور فلكي Astrophotographer فنلندي إسمه جيه بي ميتسافاينيو J-P Metsavainio، هو عبارة عن صورة واحدة تجمع جزء ضخم من مجرة درب التبانة Milky Way بتاعتنا، من منظورنا هنا على كوكب الأرض، في صورة واحدة بس!!
الصورة متكونة من 234 صورة فردية، تم تصويرهم على مدار 12 سنة، بداية من 2009، ولحد 2021.. وجودتها تقدر بحوالي 1.7 جيجا بيكسل!!.. أنا عايزك تتخيل أنت الجودة، وتتخيل والوقت والمجهود اللي بذلهم عشان يطلع اللوحة المبهرة اللي قدامك دي..
لو مش فاهم مدى عظمة الصورة الأصلية، فيكفي إني أقولك إن الصورة الواحدة بس دي، فيها أكتر من 20 مليون نجم !!! كل دول ظاهرين ف كل بيكسل من الصورة اللي هتلاقيها على اللينك ده بالجودة الكاملة:
وممكن تدخل هنا لو عايز تشوف الصور كلها بأعلى جودة ممكنة من على الـ Website الرسمي بتاع المصور
الصور دي غالبًا هيبيعها بملايين الدولارات.. يا بخته
إفتح الصور واتفرج على الجمال، وشوف الشرح المكتوب عليها، علمًا بإنك ف كل صورة تحت ع الشمال هتلاقي رسم تخيلي لحجم القمر في سماء الأرض، مقارنة بحجم الصورة الملتقطة من مساحة السماء
ولو الموضوع عجبك، متنساش تعمل شير ومنشن لصحابك وحبايبك، عشان غيرك يشوفه ويتبسط بيه
بقلم: محمود علام
