George Bokhua أشهر مصمم علامات تجارية

يعتبر من أقوى و أشهر مصممي العلامات التجارية فى وقتنا الحالى و الأشهر على الإنترنت, لو دخلت كتبت Logos فى أي حتة غالباً هتتكعبل فى حاجة من شغله, الأب الروحي لجيل مصممي الشعارات الحالى ومدرسة بيتعلم منها كل يوم, عمل طفرة فى إحياء أسلوب أوروبا الشرقية الكلاسيكي فالتصميم و دمجة مع مدارس مختلفة زي الMinimalism و الأسلوب الياباني و غيرها.
إشتغل مع عملا زي Disney, New Balance, NFL and Wired Magazine وعنده فوق ال200 ألف متابع على إنستجرام. بلده هي جورجيا دولة فى أوروبا الشرقية مشهورة بتاريخها الفني الكبير
فى2006 كان بيلعب بوكر أونلاين و علطول مفلس فقرر إنه محتاج يشوف شغلانة يكسب منها. فضل يدور ولقى فى وظيفة مصمم جرافيك في ستوديو صغير لمصمم من أوكرانيا، مكانش معاه أي سابقة أعمال ولكن صاحب الستوديو أعجب بشخصيته فشغله معاه و من أول ما عرف تصميم الشعارات أعجب بيه جداً بدأ يشتري كتب أونلاين و أول كتاب جابه كان The Grid systems للصمم الألماني الشهير josef muller brockmann وإتعلم إزاي يستخدم الشبكيات فى شغله بعدها بدأ يطلع على تاريخ تصميم الشعارات فى كتب زي logo modernism و كتب عن فلسفات الجيشتالت و التصميم الياباني و من هنا بدأ يجرب و يطلع أسلوبة الحالى كان بيجيب الشغل القديم و يدرسة نقطة بنقطة وبعدها يبدأ يشتغل على حاجة من دماغة أول مشروع عمله شهرة كبيرة كان تصميم شعارات الحيواناات

و اللى بقى منتشر فى كل حتة فى الإنترنت و لغاية النهاردة ناس كتير بتستلهم منه بيوظف النسبة الذهبية فى أغلب شغله بطريقة منطقية وده لأن كتير من شغله كائنات حية فبيبقى التوظيف منطقي وإتعمل مقارنة بين إستخدامة للنسبة الذهبية و مصممين فى مستوى عالى زي Paula Scher و اللى بتعتبر إن إستخدامها مش هيضيف كتير لجودة الشغل أسلوبة فى الإسكتش أعاد للمهارة اليدوية رونقها و ألهم عدد كبير من المصممين العودة لإتقان المهاردة اليدوية. بيستغرق شغله على الفكرة الواحدة عدة أيام و تقفيل الفكرة الواحدة بنسب مزبوطة ممكن يستغرق أكثر من 8 ساعاات علشان تترسم و يتعملها Grid شايف إن التصميم حاجة بتبقى شاطر فيها لو إتعلمتها و إنها مش موهبة وبيقول أنا عمري ما كنت بعرف أرسم ولا كنت فناان والطريقة الوحيدة للتعلم هي كثرة الممارسة, المصمم مش مغني ولا ممثل علشان يحتاج موهبة, المهارة الحقيقية هي فى الدراسة و كثرة الإنتاج. بيقول كمان إنه عمرة ما بيعرف يشتغل إلا لما يحس إن شغله يتقدر مادياً و معنوياً وجالة شغل كبير جداً مع شركة زي Pentagram و جرب يخوض التجربة بتقدير مادي أقل من اللى متعود عليه و فشلت العملية فشل ذريع و السبب فى وجهه نظره إن أنا بشتغل و بطور نفسي كل يوم فلازم أحس بتقدير فى اللى بعمله. بيعمل حاجاات تانية بجانب تصميم الشعارات منها تصميم لعبة مبنية على الحيل البصرية و الأساطير تصميم لوح Abstract Geometry وتنفيذها على مساحاات صغيرة و كبيرة وبيلعب رياضة ال brazilian jiu jitsu و خد فيها بطولات

لقاء معاه بيتكلم عن قصتة و تفاصيل شغله:

لمتابعة اعماله: