كيف تجعل تصميمك مريح للعين ؟

ويحصل حالة حب وفهم من اول نظرة كدا

عليك بخمس خطوات مهمين جداا

مثلا بنعمل تصميم لافتتاح معرض فلو كتبنا النص كدا

01111111111
عين شمس _ القاهرة
وذالك يوم السبت الساعة ٣ عصرا
سيتم بمشيئة الله تعالى افتتاح معرض زيكا

لو لقيت اعلان مكتوب بالطريقة دى ونفس الترتيب كدا هتقول اية الاعلان الغبى دا
ترتيب وتنظيم البيانات يخلى دماغك تتشتت وعينك حاسة ان فى حاجة غلط
لكن لو المعلومات اتنظمت صح هتلاقى عينك مرتاحة ومن اول كلمة الاعلان هتفهم

بمعنى ما تبقاش حاجة فى الشرق وحاجة فى الغرب وسمك لبن تمر هندى
يعنى لو عندك مربعات كتير مثلا ومش مترتبين ومتوزعين عشوائى فالعين مش مرتاحة للكلام دا
اما لما ترتب المربعات جنب بعض او تحت بعض بطريقة كويسة العين هترتاح وهى بتشوفة وتحس ان كل حاجة طبيعية
حتى الكلام لما نيجى نكتب لازم نركز ان كل الكلام محازى لبعضة وفى بينهم انسجام

اية الكلام دا

يعنى بكل بساطة الحاجة المهمة تظهر وتختلف
العنوان مثلا يهمنى انى اعرف الناس ان فى افتتاح معرض فممكن استخدم خط بولد مثلا او خط مختلف عن الى استخدمتة فى باقى الداتا ويكون مختلف ويجذب الانتباه
ممكن تختلف باختلاف الوان الكلام واظهار الهام
بحيث انك تسلط الضوء على شئ معين العين اول ما تشوفة تنجذب وتفهم الاعلان بسرعة

فى جملة مشهورة
التصميم بيتنفس من المساحة البيضاء الى هى الفراغ طبعا
ممكن تستغل الفراغ الى عندك استخدامات ذكية جدا الى بيسموها النيجتف سبيس جزء ايجابى تقدر تستغلة صح

زى لوجو مثلا FedEx

شوف الفراغ الى بين اخر حرفين هتفهم كلامى

ولو مش هتستغلها كدا خلى التصميم يتنفس منها

وزع عناصرك ورتب كويس واعمل محاذاة بين الليرات بشكل كويس هتلاقى الجزء الفاضى خلى التصميم شيك اكتر

كل الى هنقولة

اعرف حاجة اسمها المدلول والسيكولوجية لكل لون
واعرف كل لون بيخليك تحس باية
واعرف الفرق بين الالوان السخنة والالوان الباردة
وهنتكلم عنها بالتفصيل ان شاء الله في تدوينات قادمة

لو عرفت دول هتلاقى نفسك بتنفذ تصميم شيك ومريح للعين