شنطة الكاميرا
النهاردة عايز اتكلم عن موضوع مهم جدا
هو ازاي تحافظ علي كاميرتك ومعداتك اللي دافع فيها مبلغ محترم
الكاميرا بالنسبة لأغلب المصورين شيء غالي وثمين (حتى وإن كانت قيمتها رخيصة او كان المصور غني )
وكثير من المصورين يكون عندهم أكثر من كاميرا أو أكثر من عدسة
بالإضافة إلى فلاشات خارجية مع بطاريات وفلاتر
كل هذي الأغراض (أو العدة) يكون صعب التنقل بيها.
وإذا ماكانت هذي الأغراض مرتبة فاحتمال تضيع أو تتكسر أو تتوسخ أو أو أو . . . . الخ
ويمكن إذا ما انتبهت لأغراضك بيجي يوم وتلاقى ابنك الصغير عامل فيها كدا …. 🙂
عشان كدا بنتكلم الناهردة عن أحد طرق الحفاظ على الكاميرا وهو استخدام الشنطة المناسبة
شنطة الكاميرا
للكاميرات أنواع مختلفة من الشناط
تختلف من حيث الحجم
فيه شنط كاميرات صغيرة خاصة بالكاميرات المدمجة أو بتكون على نفس حجم الكاميرا بالضبط
هذي الشنط تكون مفيدة لحفظ الكاميرا في البيت أو التنقل البسيط
ذي كدا
أو كدا
وزي ما انتو شايفين دي نوعية من الشناط تكون صغيرة وكافية بس للكاميرا
أحياناً يكون بالإمكان إضافة عدسة وشاحن
بس مش أكثر من كدا
ميزتها زي ما ذكرنا فوق لحفظ الكاميرا
شناط وتختلف من حيث طريقة الحمل
فيه ناس بتفضل تشيل الشنطة على كتافها
وفيه ناس تحب تشيل الشنطة على كتف واحد
وتختلف من حيث طريقة التنقل
لأن فيه شناط تتعلق على الظهر وشناط تسحب
طيب أشتري ايه !!! ؟
كثير من الناس تسأل، ايه الشنطة اللي تناسبني ؟
وايه الشنطة اللي تنصحون بيها
أي الشركات أفضل؟
من اين أشتري الشنطة ؟
كم شنطة أشتري ؟
….الخ
أهم سؤال عندنا ايه الشنطة اللي تناسبني
برأيي .. لازم تكون عندك شنطة أو شنط تشيل كل عدتك
وتقدر تقسمها قسمين
شنطة للتنقلات والسفرات وجلسات التصوير الخارجية
وشنطة تحفظ العدسات اللي بتبقى داخل البيت
يعني مثلاً شنطة كبيرة تشيل الكاميرا و٣ عدسات
وشنطة ثانية للعدسة الرابعة والفلاش الخارجي وبعض الفلاتر مع الشاحن.
بعد ما نحدد حجم الشنطة الخاصة بالتنقلات والسفرات وجلسات التصوير الخارجية
نبدأ نحدد طريقة التنقل وحمل الكاميرا
في كثير لا يحبو يشيلو الشنطة على ظهورهم
ويفضلو حملها على الكتف أو يشيلوها بأيدهم
وعشان كدا موقع Lowepro عمل خدمة رائعة للمصورين
ونتبع الخطوات التالية
بعد الاختيار نشوف على اليمين بتتحدث الصفحة ونبدأ نختار
أنا اخترت بعض الاختيارات ودلوقت الموقع بيحدد لي أفضل شنطة مناسبة
نقدر نراجع اختياراتنا عن طريق
نضغط على View Results ونشوف النتائج
أنا أشوف إنها ميزة رائعة في الموقع وتساعد الكثير على حصر الشنط الممكنة لهم
أتمنى المواقع الثانية يكون فيها نفس الخيار دا
شركات بيع الشنط
الشنطة تعتبر من الاكسسوارات الخاصة بالكاميرا
وكأي اكسسوار لأي منتج فيه الكاثير من الصانعين
أشهر الشركات لصناعة الشنط
Lowepro
شركة أمريكية لتصنيع الشنط وتعبتر الأكثر شهرة بين المصورين.
Tamrac
أيضاً شركة أمريكية لتصنيع الشنط.
Nanuk
إذا كنت تخطط لشنطة ذات تحمل قوي ومناسبة للتعامل مع موظفي شركات الشحن فــ Nanuk بتكون اختيار مناسب لك.
Pelican
منتجات رائعة وذات متانة عالية جداً
للأسف قليل توفرها في السوق المحلي بشكل كبير
ومناسبة للسفر – التخييم
