لو أنت لسه متعرفش، خليني أقولك إن في وثيقة مسربة غريبة بدأت تنتشر، وبتقول إن الصين حاليًا بتبني آلة زمن حقيقية!!
الموضوع شد انتباهك صح؟! 😃
طب تعالى بقى أحكيلك أيه الحوار بالظبط، ومتنساش كوباية الشاي وعود النعناع الجميل ❤☕
بص يا عم.. الموضوع كله بدأ لما في تقرير أو بريزينتيشن معمول على ال Power Point، اتسرب أونلاين وبدأ ينتشر ويتعمله شير ف كل حتة لحد ما وصل لشبكات الأخبار.. تقرير الباور بوينت ده كان بيقول أيه بقى؟!
كان بيقول إن معهد فيزياء الطاقة العالية High Energy Physics التابع للأكاديمية الصينية للعلوم، بدأ تعاون مع شركة جديدة إسمها Ruitai Technology.. والتعاون ده بقى عليه أيه؟!.. خد المفاجأة..
جهاز إسمه (الجهاز التجريبي لتوليد أنفاق الزمكان) أو
(Space-time Tunnel Generation Experimental Device)
طب أيه الجهاز ده بالظبط وبيعمل أيه؟! 🤔
ده يا سيدي عبارة عن جهاز بيشتغل بطاقة عالية، ومعتمد على فرضيات فيزيائية عديدة من أكتر من نظرية شهيرة، وحسب الوثيقة، فهو هيقدر يعمل (تشوه Distortion) في الزمان والمكان Time and Space أو زي ما بيُطلق عليهم في الفيزياء الحديثة (الزمكان Space-Time).. ومن خلال التشوه ده، بيقدر يتحكم في معدل تدفق الوقت Flow rate of time، ويقدر يخترق حاجز الزمكان نفسه!!.. يعني يقدر يكسر حاجز الواقع اللي بيكون الفضاء نفسه، ويسافر من خلاله لقدام أو لورا!!
ومن خلال ده، ينفع يتم استعمال الجهاز في تشكيلة واسعة من الاستخدامات، منها السفر عبر الزمن Time Travel، والسفر بين النجوم Interstellar Travel، وكمان إطالة الأعمار البشرية Life Extension لرواد الفضاء أو غيرهم!! 😅
أيه ده.. الموضوع مثير جدًا وشدني أنا نفسي 😀 طب إزاي يا عم الحج، اتعمل إمتى الجهاز ده، أو هيتعمل إمتى، ومين الشركة الجديدة اللي شغالة عليه دي؟!
هنتمشى ف الزمن إمتى يا عم ويجز؟! 🚶♂️
حسب الوثيقة بتاعت الباور بوينت المسربة دي، فالفريق اللي ورا الجهاز بيقول إنهم وصلوا لاتفاق تعاون مبدئي مع فريق أبحاث وتطوير بيتكون من مجموعة من أبرز الخبراء الأكاديميين في علوم الفيزياء النظرية التابعين لمعهد أبحاث الطاقة العالية بتاع الأكاديمية الصينية للعلوم.. وإن كمان المشروع حاز على إعجاب وتقدير علماء وفيزيائيين كبار، منهم عالِم مرشح لجايزة نوبل إسمه (جاو كون Gao Kun).. وطبعًا الأكاديمية الصينية للعلوم دي حاجة كبيرة جدًا ف الصين، ف معنى كده إن الموضوع يستاهل الإهتمام فعلًا!!
طب وبعدين؟!
اللي اتقال إن المشروع بيتم تمويله حاليًا، وهيتم البحث عن مكان مناسب و واسع عشانه.. يعني حوالي 16 فدان كده.. وعليهم، هيتم إنشاء قاعدة للأبحاث والتجارب العلمية الخاصة بالجهاز والمشروع.. وحسب كلامهم، فالمشروع هيوصل لتحقيق أهدافه، وتنفيذ التجربة بتاعته بنجاح لأول مرة في التاريخ، في خلال فترة من 7-12 شهر بعد ما يتم التمويل والبناء بشكل كامل..
طبعًا خلي بالك إن الكلام ده المفروض سري على أعلى المستويات في قلب الحكومة والنظام الصيني، ف مش فاهم إزاي فايل باور بوينت زي ده يتم تسريبه بالسهولة دي!!.. هتلاقي صور من الفايل بالمناسبة في أول كومنت لو بتعرف تقرأ صيني 👇 بتوع كلية ألسن صيني يضموا علينا كده 😀
والغريب أكتر كمان بقى إن بعد ما الموضوع انتشر ولقطته وكالات أخبار صينية وعالمية كبيرة، طلع معهد فيزياء الطاقة العليا بتاع أكاديمية الصين للعلوم ده، ونشر بيان رسمي نفوا فيه أي علاقة ليهم بالمشروع ده، وقالوا إنهم محصلش بينهم وبين شركة Ruitai Technology دي أي تواصل أو تعاون من أي نوع 😀
حلفاؤك باعوك يا ريتشارد 😅
ومش بس كده.. ده كمان بعد بحث صغير كده اتعمل من الناس اللي بدأت تدور وتدعبس ورا الموضوع، اتضح ان شركة Ruitai Technology دي أصلًا لسه شركة جديدة، تم تأسيسها في يوم 31 ديسمبر من سنة 2020.. يعني لسه بقالها شهرين تقريبًا.. يعني شركة Start up بلغة البيزنس.. ف ياترى إزاي شركة زي دي عندها بحث أسطوري زي ده؟!.. ولا ممكن الموضوع يبقى تمويه على الشركة الحقيقية اللي بتشتغل وتمول، ويطلع الموضوع أغرب وأخطر من ما إحنا متخيلين؟!
طب إستنى إستنى.. في حاجة أغرب كمان من كل ده..
بعد بحث بسيط بردو عملته وكالات الأخبار والصحفيين، وعملته أنا نفسي كمان على الإنترنت، لقيت إن مفيش أصلًا عالم إسمه (جاو كون Gao Kun) فاز بجايزة نوبل أو اترشح لها من الأساس!!.. يعني العالِم اللي كان مكتوب في الوثيقة إنه كان بيدعم الجهاز والمشروع ده، مش موجود في الحقيقة أصلًا!!
طب كده أنا بدأت أتوغوش 🤔
إزاي مش موجود في الواقع، وهو حسب التسريبات بيأيد المشروع؟!.. ولا ممكن يبقى غلطة في الأسماء أو المسميات من اللي عامل فايل الباور بوينت أصلًا؟!
ولا ممكن يبقى الموضوع أكبر وأغرب من كده؟!.. ممكن يبقى خطة للتمويه بردو على أسماء العلماء الحقيقيين اللي بيدعموا المشروع؟!.. زي إسم كودي مثلًا، معروف للناس اللي جوه المشروع السري للغاية ده.. عشان لو اتكشف أو اتسرب أي معلومة عنه، ميبقاش أي حد من المشاركين فيه في خطر من أي نوع؟!
الموضوع مثير ومخيف، ومليان احتمالات غريبة فعلًا.. ويكفي إني أقولك إن القيمة السوقية والمالية اللي مشروع زي ده ممكن يعود بيها إقتصاديًا، هتساوي تقريبًا حوالي 838,2 مليار دولار!!!
أنا عايزك تتخيل بس المبلغ في أحلامك وخيالاتك كده وأنت قاعد، وبردو مش هتعرف تتخيل الرقم ده كبير قد أيه 😅 دي حاجة كبيرة على طموحك وطموحي أنا كمان..
وده طبعًا مفهوم وله مبرراته.. عشان لو الموضوع حقيقي، تخيل أنت بس القدرات اللي ممكن تتوفر عند النظام الصيني أو الناس اللي ممكن يبقى في إيديهم مشروع زي ده، سواء منظمات حكومية سرية أو مؤسسات علمية بحثية.. تخيل كده يبقى في جهة في العالم، حتى لو شخص واحد بس، عنده القدرة إنه يستعمل جهاز بيعمل أنفاق في الزمن والواقع نفسه، ويسافر بالزمن لقدام ولورا زي ما هو عايز..
الحقيقة إن الموضوع ده بيداعب خيال المؤلفين من زمان جدًا، واتكتب عنه عدد كبير من الروايات والأفلام مقدرش أحصرها كلها.. يمكن أشهرها مثلًا رواية (آلة الزمن The Time Machine) بتاعت العظيم هربرت جورج ويلز H.G. Wells، اللي تخيلت فكرة آلة الزمن دي لأول مرة، وصورت شكل العالم في المستقبل ممكن يبقى عامل إزاي.. والشخص المسافر في الزمن ممكن يبقى بقوة العلم اللي عنده بس عامل إزاي..
ده غير أفلام كتير مالهاش حصر ولا عدد، كلها ناقشت موضوع السفر في الزمن ده بأشكال مختلفة، بعضها مخيف ومرعب ومثير زي فيلم Looper و Predestination ومسلسل Dark، وبعضها ظريف ومثير للخيال زي سلسلة أفلام Back to the Future.. لحد ما بقت فكرة السفر في الزمن دي حاجة من أساسيات الأساطير الحضارية المرتبطة بعلوم الفيزياء والفضاء.. وبقت حاجة يعرفها كل طفل، وبيحلم إن ييجي يوم في المستقبل وتتحقق..
كل ده والناس مش متخيلة أيه اللي ممكن يحصل فعليًا لو موضوع السفر في الزمن ده إتحقق وبقى حقيقة واقعة!! 😅
تخيل شخص يقدر يعيش لفترات طويلة لا تستوعب بالنسبالنا كبشر، بسبب التكنولوجيا اللي بيوفرها جهاز زي ده.. تخيل شخص موجود ويقدر يتواجد في كل العصور، ويبقى أشبه بمفهموم الإله عند الحضارات القديمة!! عارف كل حاجة حصلت وبتحصل ولسه هتحصل، وموجود في كل زمان ومكان!!
تخيل شخص يقدر يسافر لأماكن تانية في الكون، وكواكب غير معروفة بالنسبالنا، ويفتح الباب لثروات مفيش عقل بشري قدر يحلم بيها أو يتصورها قبل كده!!
والأدهى من كل ده، والمرعب أكتر، تخيل لو ده حصل بالفعل قبل كده!!
تخيل كل الظواهر الغريبة اللي بنشوفها بقالنا سنين حوالين في العالم، ومش لاقيينلها تفسير، ممكن تطلع بسبب حد مسافر في الزمن، وبيلعب بالواقع بتاعنا كإنه بيلعب فيديو جيم ع البلايستيشن!!
تخيل ظواهر زي تأثير مانديلا The Mandela Effect اللي اتكلمت عنه قبل كده ف مقال مشهور، ممكن يطلع بسبب إن في شخص بيسافر في الزمن، وغصب عنه بسبب غلطات بسيطة بيعملها، بيغير حاجات غير مقصودة في نهر الزمن نفسه، وبيتسبب في إننا كبشر بنلاقي حاجات كنا فاكرينها كويس، محصلتش أصلًا!! برغم إننا فاكرين تفاصيلها كويس!!..
تخيل كمان إن ظواهر الأطباق الطائرة والأجسام مجهولة الهوية اللي الناس عمالة تشوفها في السماء في كل مكان في العالم بقالها سنين دي، ممكن تطلع بشر متطورين وجايين من المستقبل!!.. وقبل ما تفتكرني محنون أو بقول أي كلام، خليني أقولك إن دي نظرية حقيقية موجودة فعلًا، وفي علماء بيقروا إنها ممكن تبقى حقيقة مش خيال!!
ف أنت أيه رأيك في الموضوع الغريب ده؟!
هل في حد فعلًا بيعمل زي الفنان الشاعر ويجز، وبيتمشى ف الزمن وبيلعب معانا استغماية، وبيغير حاجات من غير ما حد فينا؛ ولا حتى هو نفسه يحس، وكله بدأ بسبب مشروع زي ده؟!.. ولا ممكن الموضوع يبقى مجرد إشاعة هبلة مالهاش أي أساس من الصحة؟!
هل تصريحات النفي الرسمية اللي عمالة تطلع من المؤسسات الصينية على الموضوع ده حقيقية ولا ممكن تبقى خطة للتمويه على المشروع الحقيقي اللي بيعملوه فعلًا، ويطلع الموضوع أخطر من ما أي حد فينا يتخيل؟!
أنا مش عارف، وعشان كده هسيب الإجابة على الأسئلة دي لخيالك أنت، وهفكرك إن لو المقال عجبك، متنساش تعمل شير ومنشن لصحابك وحبايبك المهتمين بالأمور دي عشان يقرأوا معاك ويسيبولي رأيهم مع رأيك في الكومنتات 👇
الشير بيعبر عن دعمك، وكمان بيساعد في نشر المجهود الكبير اللي ببذله في كتابة المقالات دي، وبيوصله لناس أكتر، ف متبخلش به لو شايف الجهد يستحق ❤
الموضوع شد انتباهك صح؟! 😃
طب تعالى بقى أحكيلك أيه الحوار بالظبط، ومتنساش كوباية الشاي وعود النعناع الجميل ❤☕
بص يا عم.. الموضوع كله بدأ لما في تقرير أو بريزينتيشن معمول على ال Power Point، اتسرب أونلاين وبدأ ينتشر ويتعمله شير ف كل حتة لحد ما وصل لشبكات الأخبار.. تقرير الباور بوينت ده كان بيقول أيه بقى؟!
كان بيقول إن معهد فيزياء الطاقة العالية High Energy Physics التابع للأكاديمية الصينية للعلوم، بدأ تعاون مع شركة جديدة إسمها Ruitai Technology.. والتعاون ده بقى عليه أيه؟!.. خد المفاجأة..
جهاز إسمه (الجهاز التجريبي لتوليد أنفاق الزمكان) أو
(Space-time Tunnel Generation Experimental Device)
طب أيه الجهاز ده بالظبط وبيعمل أيه؟! 🤔
ده يا سيدي عبارة عن جهاز بيشتغل بطاقة عالية، ومعتمد على فرضيات فيزيائية عديدة من أكتر من نظرية شهيرة، وحسب الوثيقة، فهو هيقدر يعمل (تشوه Distortion) في الزمان والمكان Time and Space أو زي ما بيُطلق عليهم في الفيزياء الحديثة (الزمكان Space-Time).. ومن خلال التشوه ده، بيقدر يتحكم في معدل تدفق الوقت Flow rate of time، ويقدر يخترق حاجز الزمكان نفسه!!.. يعني يقدر يكسر حاجز الواقع اللي بيكون الفضاء نفسه، ويسافر من خلاله لقدام أو لورا!!
ومن خلال ده، ينفع يتم استعمال الجهاز في تشكيلة واسعة من الاستخدامات، منها السفر عبر الزمن Time Travel، والسفر بين النجوم Interstellar Travel، وكمان إطالة الأعمار البشرية Life Extension لرواد الفضاء أو غيرهم!! 😅
أيه ده.. الموضوع مثير جدًا وشدني أنا نفسي 😀 طب إزاي يا عم الحج، اتعمل إمتى الجهاز ده، أو هيتعمل إمتى، ومين الشركة الجديدة اللي شغالة عليه دي؟!
هنتمشى ف الزمن إمتى يا عم ويجز؟! 🚶♂️
حسب الوثيقة بتاعت الباور بوينت المسربة دي، فالفريق اللي ورا الجهاز بيقول إنهم وصلوا لاتفاق تعاون مبدئي مع فريق أبحاث وتطوير بيتكون من مجموعة من أبرز الخبراء الأكاديميين في علوم الفيزياء النظرية التابعين لمعهد أبحاث الطاقة العالية بتاع الأكاديمية الصينية للعلوم.. وإن كمان المشروع حاز على إعجاب وتقدير علماء وفيزيائيين كبار، منهم عالِم مرشح لجايزة نوبل إسمه (جاو كون Gao Kun).. وطبعًا الأكاديمية الصينية للعلوم دي حاجة كبيرة جدًا ف الصين، ف معنى كده إن الموضوع يستاهل الإهتمام فعلًا!!
طب وبعدين؟!
اللي اتقال إن المشروع بيتم تمويله حاليًا، وهيتم البحث عن مكان مناسب و واسع عشانه.. يعني حوالي 16 فدان كده.. وعليهم، هيتم إنشاء قاعدة للأبحاث والتجارب العلمية الخاصة بالجهاز والمشروع.. وحسب كلامهم، فالمشروع هيوصل لتحقيق أهدافه، وتنفيذ التجربة بتاعته بنجاح لأول مرة في التاريخ، في خلال فترة من 7-12 شهر بعد ما يتم التمويل والبناء بشكل كامل..
طبعًا خلي بالك إن الكلام ده المفروض سري على أعلى المستويات في قلب الحكومة والنظام الصيني، ف مش فاهم إزاي فايل باور بوينت زي ده يتم تسريبه بالسهولة دي!!.. هتلاقي صور من الفايل بالمناسبة في أول كومنت لو بتعرف تقرأ صيني 👇 بتوع كلية ألسن صيني يضموا علينا كده 😀
والغريب أكتر كمان بقى إن بعد ما الموضوع انتشر ولقطته وكالات أخبار صينية وعالمية كبيرة، طلع معهد فيزياء الطاقة العليا بتاع أكاديمية الصين للعلوم ده، ونشر بيان رسمي نفوا فيه أي علاقة ليهم بالمشروع ده، وقالوا إنهم محصلش بينهم وبين شركة Ruitai Technology دي أي تواصل أو تعاون من أي نوع 😀
حلفاؤك باعوك يا ريتشارد 😅
ومش بس كده.. ده كمان بعد بحث صغير كده اتعمل من الناس اللي بدأت تدور وتدعبس ورا الموضوع، اتضح ان شركة Ruitai Technology دي أصلًا لسه شركة جديدة، تم تأسيسها في يوم 31 ديسمبر من سنة 2020.. يعني لسه بقالها شهرين تقريبًا.. يعني شركة Start up بلغة البيزنس.. ف ياترى إزاي شركة زي دي عندها بحث أسطوري زي ده؟!.. ولا ممكن الموضوع يبقى تمويه على الشركة الحقيقية اللي بتشتغل وتمول، ويطلع الموضوع أغرب وأخطر من ما إحنا متخيلين؟!
طب إستنى إستنى.. في حاجة أغرب كمان من كل ده..
بعد بحث بسيط بردو عملته وكالات الأخبار والصحفيين، وعملته أنا نفسي كمان على الإنترنت، لقيت إن مفيش أصلًا عالم إسمه (جاو كون Gao Kun) فاز بجايزة نوبل أو اترشح لها من الأساس!!.. يعني العالِم اللي كان مكتوب في الوثيقة إنه كان بيدعم الجهاز والمشروع ده، مش موجود في الحقيقة أصلًا!!
طب كده أنا بدأت أتوغوش 🤔
إزاي مش موجود في الواقع، وهو حسب التسريبات بيأيد المشروع؟!.. ولا ممكن يبقى غلطة في الأسماء أو المسميات من اللي عامل فايل الباور بوينت أصلًا؟!
ولا ممكن يبقى الموضوع أكبر وأغرب من كده؟!.. ممكن يبقى خطة للتمويه بردو على أسماء العلماء الحقيقيين اللي بيدعموا المشروع؟!.. زي إسم كودي مثلًا، معروف للناس اللي جوه المشروع السري للغاية ده.. عشان لو اتكشف أو اتسرب أي معلومة عنه، ميبقاش أي حد من المشاركين فيه في خطر من أي نوع؟!
الموضوع مثير ومخيف، ومليان احتمالات غريبة فعلًا.. ويكفي إني أقولك إن القيمة السوقية والمالية اللي مشروع زي ده ممكن يعود بيها إقتصاديًا، هتساوي تقريبًا حوالي 838,2 مليار دولار!!!
أنا عايزك تتخيل بس المبلغ في أحلامك وخيالاتك كده وأنت قاعد، وبردو مش هتعرف تتخيل الرقم ده كبير قد أيه 😅 دي حاجة كبيرة على طموحك وطموحي أنا كمان..
وده طبعًا مفهوم وله مبرراته.. عشان لو الموضوع حقيقي، تخيل أنت بس القدرات اللي ممكن تتوفر عند النظام الصيني أو الناس اللي ممكن يبقى في إيديهم مشروع زي ده، سواء منظمات حكومية سرية أو مؤسسات علمية بحثية.. تخيل كده يبقى في جهة في العالم، حتى لو شخص واحد بس، عنده القدرة إنه يستعمل جهاز بيعمل أنفاق في الزمن والواقع نفسه، ويسافر بالزمن لقدام ولورا زي ما هو عايز..
الحقيقة إن الموضوع ده بيداعب خيال المؤلفين من زمان جدًا، واتكتب عنه عدد كبير من الروايات والأفلام مقدرش أحصرها كلها.. يمكن أشهرها مثلًا رواية (آلة الزمن The Time Machine) بتاعت العظيم هربرت جورج ويلز H.G. Wells، اللي تخيلت فكرة آلة الزمن دي لأول مرة، وصورت شكل العالم في المستقبل ممكن يبقى عامل إزاي.. والشخص المسافر في الزمن ممكن يبقى بقوة العلم اللي عنده بس عامل إزاي..
ده غير أفلام كتير مالهاش حصر ولا عدد، كلها ناقشت موضوع السفر في الزمن ده بأشكال مختلفة، بعضها مخيف ومرعب ومثير زي فيلم Looper و Predestination ومسلسل Dark، وبعضها ظريف ومثير للخيال زي سلسلة أفلام Back to the Future.. لحد ما بقت فكرة السفر في الزمن دي حاجة من أساسيات الأساطير الحضارية المرتبطة بعلوم الفيزياء والفضاء.. وبقت حاجة يعرفها كل طفل، وبيحلم إن ييجي يوم في المستقبل وتتحقق..
كل ده والناس مش متخيلة أيه اللي ممكن يحصل فعليًا لو موضوع السفر في الزمن ده إتحقق وبقى حقيقة واقعة!! 😅
تخيل شخص يقدر يعيش لفترات طويلة لا تستوعب بالنسبالنا كبشر، بسبب التكنولوجيا اللي بيوفرها جهاز زي ده.. تخيل شخص موجود ويقدر يتواجد في كل العصور، ويبقى أشبه بمفهموم الإله عند الحضارات القديمة!! عارف كل حاجة حصلت وبتحصل ولسه هتحصل، وموجود في كل زمان ومكان!!
تخيل شخص يقدر يسافر لأماكن تانية في الكون، وكواكب غير معروفة بالنسبالنا، ويفتح الباب لثروات مفيش عقل بشري قدر يحلم بيها أو يتصورها قبل كده!!
والأدهى من كل ده، والمرعب أكتر، تخيل لو ده حصل بالفعل قبل كده!!
تخيل كل الظواهر الغريبة اللي بنشوفها بقالنا سنين حوالين في العالم، ومش لاقيينلها تفسير، ممكن تطلع بسبب حد مسافر في الزمن، وبيلعب بالواقع بتاعنا كإنه بيلعب فيديو جيم ع البلايستيشن!!
تخيل ظواهر زي تأثير مانديلا The Mandela Effect اللي اتكلمت عنه قبل كده ف مقال مشهور، ممكن يطلع بسبب إن في شخص بيسافر في الزمن، وغصب عنه بسبب غلطات بسيطة بيعملها، بيغير حاجات غير مقصودة في نهر الزمن نفسه، وبيتسبب في إننا كبشر بنلاقي حاجات كنا فاكرينها كويس، محصلتش أصلًا!! برغم إننا فاكرين تفاصيلها كويس!!..
تخيل كمان إن ظواهر الأطباق الطائرة والأجسام مجهولة الهوية اللي الناس عمالة تشوفها في السماء في كل مكان في العالم بقالها سنين دي، ممكن تطلع بشر متطورين وجايين من المستقبل!!.. وقبل ما تفتكرني محنون أو بقول أي كلام، خليني أقولك إن دي نظرية حقيقية موجودة فعلًا، وفي علماء بيقروا إنها ممكن تبقى حقيقة مش خيال!!
ف أنت أيه رأيك في الموضوع الغريب ده؟!
هل في حد فعلًا بيعمل زي الفنان الشاعر ويجز، وبيتمشى ف الزمن وبيلعب معانا استغماية، وبيغير حاجات من غير ما حد فينا؛ ولا حتى هو نفسه يحس، وكله بدأ بسبب مشروع زي ده؟!.. ولا ممكن الموضوع يبقى مجرد إشاعة هبلة مالهاش أي أساس من الصحة؟!
هل تصريحات النفي الرسمية اللي عمالة تطلع من المؤسسات الصينية على الموضوع ده حقيقية ولا ممكن تبقى خطة للتمويه على المشروع الحقيقي اللي بيعملوه فعلًا، ويطلع الموضوع أخطر من ما أي حد فينا يتخيل؟!
أنا مش عارف، وعشان كده هسيب الإجابة على الأسئلة دي لخيالك أنت، وهفكرك إن لو المقال عجبك، متنساش تعمل شير ومنشن لصحابك وحبايبك المهتمين بالأمور دي عشان يقرأوا معاك ويسيبولي رأيهم مع رأيك في الكومنتات 👇
الشير بيعبر عن دعمك، وكمان بيساعد في نشر المجهود الكبير اللي ببذله في كتابة المقالات دي، وبيوصله لناس أكتر، ف متبخلش به لو شايف الجهد يستحق ❤
بقلم الكاتب: محمود علام
و دي المصادر لو عايز تعرف تفاصيل أكثر
